.. والله وعجزتي .. خاطرة للشاعرة/ سحر أحمد محمد
والله وعجزتي
خواطر
********
والله وعجزتي يا شابه
وضاع عمرك
والكل انفض من حواليكي
بعد ما كانوا رهن إشارة
منك وتحت أمرك
آه يَا سنيني اللي اتسرسبت
من بين إيديا جمالي راح
والشعر شاب والجلد كرمش
كان الكل بيقولوا إنتي في
الجمال لا قبلك ولا بعدك وكان
كل اللي يبص لي ومن جمالي
يخاف ويرمش
أصلها سنة الحياة وهيا دي إرادة
ربنا حد يقدر يوقف الزمن ولازم
نسلم بالمكتوب مهما عملنا مافيش
حاجه ح تمنع الشيب وح تداري العيوب
ولازم نرضى
أهم شيء إننا نفارق الدنيا
من غير خطايا وذنوب
بقلمي سحر أحمد محمد
تعليقات
إرسال تعليق