.. العمر .. كلمات الشاعر/ علي صابر
قصيدة العمر،،،،من كلمات الشاعر علي صابر
لقيت العمر مني فلت بدون خاطر
وزهر الصبا انطوى بقدرة القادر
ومين يقدر يرجع العمر اللي فلا
حتى لوكان أشطرها شاطر
مين فيكي اخد وامتلك وكان شاكر
ومين اللي خد ياما جمايل
وعمل مش فاكر
ده كل سعادة وراها عذاب كاسر
وانتي دايسه وبتدوسي
وانا باعاني وباعافر
ده انا لو هعاتبك ع اللي فات عايز دفاتر
فخليني ساكت ومطنش
ده انا حالي يصعب على الكافر
باتمنى اشوف فيكي حلم جميل
مش قبح مناظر
اتسرسب عمري فى غمضة عين
وبتعامليني برضو باسلوبك الفاجر
مفيش ارتياح ولا براح
ولا نهاية من الآخر
كل خطوة بقت ويل وعذاب يا ساتر
كم مره فرحت فيكي
او عشت حياة من النوع الفاخر
ولا مره حنيتي ومخلياني دايمآ مهاجر
مشبعتيش مني واستكفيتي
ولا ناويتي تبطلي اسلوبك الساخر
ده انا جبت اخرى واستوبت
وبين اهاتي دايما مسافر
وقالوا لي ارضى ورضيت
وما هانش عليك دمعي
اللى على خدي حافر
ومخدتيش مره ايدي من الضيق
ولا صعبت مره عليكي وبليتي لي ريق
او ثانيه انبساط وطلع من طريقي الحاشر
كبرت قبل الأوان و وشي بقى كاشر
وفلت العمر والزمان من غير للفرحة أعاشر
صدقت واديتك امان وانتي لغدرك ناشر
ما دقتش حبة حنان رغم قلبي اللي صابر
طب ايه تاني مُر الوان
ولا عمري اللي هاجر
وظ
هري اللي انحنى قبل الاوان
يا دنيا ما يقدر عليك غير القادر
تعليقات
إرسال تعليق