.. نفسي .. كلمات الشاعرة/ سمر الباز

انا انسان مش شغلى اذوق فى  الكلام 

ولا شغلى اشوف دنيتي بعين فنان 

مش  شغلى كمان  اعيش دور مش دورى 

ولاانصح فى ناس  لحد ما يتنبح زورى 

انا انسان صحتى يا دوب   على قدى 

بفرح اكيد بحاجات   بقت خلاص ملكى 

و فى  يدى 

وببعد عن كلام  كتير  وما هوش  كمان مفيد 

كلام مش هيجيب  

ولا يودى 

بستمتع  كمان بالوقت  لو حتى مش عاجبنى 

مصير الحال يتغير فى يوم  

وألاقيه خلاص بقى يعجبني 

فى الاخر انا انسان 

نفسى أطمن نفسى اكون  فرحان 

نفسى ازرع جناين ورد 

نفسى يبقى فى  حب وود 

نفسى اشيل هموم  من نفوس الناس 

نفسى يرتاحوا ويقولوا للعذاب  ده خلاص 

نفسى ألاقى حلول ياريت الحل  كان بيدي

نفسي

♥️

#سمر_الباز