.. الدوامة .. كلمات الشاعر/ عبدالرحيم علي
الدوامة
ــــــــــــــــ
انا العاقل،وانا المختل
وانا اللي حياتي صبحت خل
وانا اللي باشوف بعين فرحان
وانا المتعبي بالأحزان
واناالضّدين ،وانا النقيضين
وانا التايه ما بين شطين
وانا المظلوم وانا النمرود
منيش عارف اكون مع دول
واكون مع دول
طريقي مستقيم،معدول
ولا كان النفاق طبعي
ولا كنت أُلعُبان من دول
أنا محتار
وعمري فى يوم ما اعيش دلدول
اكون مع زمرة المخابيل
واتوه ما بين دروب الحق
يا اما فى زمرة الدبابير
واكدب وقت قول الحق
قولولي يا خلق أعمل ايه
اكون اللص
لو كل اللي شايفه لصوص
واكون الندل
او بين العباد خلبوص
واكون السيف
،فى ايد اللي فى ايده السيف
واكون الزور
إذا حكم الجميع بالزور
واعيش لاجل إن أعيش وخلاص
وبين كل العباد مستور
ولو قلبي يكون مكسور
قولولي يا خلق أعمل ايه
حياتنا يا خلق خلف خلاف
وانا من كل حاجه باخاف
اعيش خوّاف
ومجدافي فى ايد اللي ما عمره يخاف
يا اما اعيش
ما بين السادة والاشراف
يا دوب عايش على الهامش
ولاانطق الا بالمطلوب
وابات غالب ما ابات مغلوب
وأقول الحق لما الناس تعوز الحق
واقول الزور إذا شهد الجميع بالزور
انا القلم اللي عاش مكسور
انا الضحكة اللي فوق الوش
شبعت غش
ولكن طالعه من غير ضحكة تلمسها
ولا فيه طعم فرحة روح تحسسها
بأن الضحكة من جوفها
نضح على كل شيء خوفها
غلابة تعيش مع ديابه
كفايه يا دنيا دحلابة
بترسم ضحكة المظاليم
بدون احساس
وتكبت فرحة الحواديت
مابين الناس
وتتلون بألفين لون
كفايه يا دنية المحروم
ماعاد بعد اللي
شايفه هموم
شعر
عبد الرحيم على
تعليقات
إرسال تعليق