.. هوامش كلام .. كلمات الشاعر/ حسن السحماوي
هوامش كلام ..!
سواقي .. شراقي .. وصوتك يهاتي
ليلاتي ... يوماتي .. وغزل البنات
على قمة حارتنا .. صبايا حيارى
برغم الوصاية فى حاجات .. محتاجات
شبابي فى غيابي ملكني ورافض
يكون لى الوضوح .. من الذكريات
نهرني وفاتني .. برغم اللي فات
يا شاري يا بايع فى ملكك ضروري
تواكب حياتك .لحد الممات ..
وتنسى إني شوفتك.. فى شوقك .. ولهفك
وكل اللي عدى من الممكنات .
ياإما تعيش اللي أااتي .. تهااتي..
وتلقى فى أخر كلامك .. سكُات ..
وحلمك .. فى علمك .. غيابك يطول
ضروري تلاقي الحقيقة فتات ..!
وتبقى فى نهايتك ...حكايتك.
هوامش كلام معطيات .. وصفرك جمود
وحالة ركود ..
وتصبح علامة فى إشارة مرور ..
كاسيها الضباب !
يا إما تعيش حلم واقع غيابي
.. ..
وفاقد معاه الأمل ..والحدود ..!
وتبقى الحقيقة الوحيدة الكئيبة..
من الذكريات ..هوامش كلام ..!
.................................. الشاعر .. حسن السحماوى
تعليقات
إرسال تعليق