.. يوم القيامة .. كلمات الشاعر/ حمدي توفيق
** يُوم القِيَامة **
()()()()()()()()()()
هُو إحِنا ليه
دَايماً كِده
في كُل مَراحل
حَياتنا.. مِتبهدِلين
نِشُوف جَرّحنا
وِنلّمِسُة ونضحك
مِن وَجع السِنين
ولاَ فَارقة أبداً إنِنَا
جُوَانا بَحر مِن الأنِين
وكَأنِنَا ... هَنعِيش
وِهَنمُوت .. لِوَجَعنا
مُستَسلمين
هُو إحِنَا .. لِيه
عِشِقَنا طَعم السُكَات
شَايفين أمَلنا بينتحر
مِن ظُلم أكّبر مِن
أي ظُلم عَدى وِفَات
وِبدُون مُقَاومة بِنِرّفَع
للهَزيمة .... الرَايَات
وِكَأننا بِنعَلن التَخلي
عَن حَياتنا وِإستعدَادنا
للمَمَات
هُو إحِنَا ... لَيه
شَايفين وَطننا بيقَطَعوه
وِكُل حُر وكُل ثَائر
يَايسجِنُوه
يَايقتِلُوه
وِكُل صَاحب ... حَق
يبَهدِلوُه وِالمُستَغيث
مَلعُون ... أَبُوه
وَاقفين كَمَا الأصنَام
فيه إيه بقَا يَاخَلق هُوُو
هّو
إحِنا .. خَلاص
مَبقاش فَينا نَخوة
أو شَهامة
وإلا. الجُبن .. سَايب
في نِفُوسنا 100 عَلامة
وإلا نِهاية الإنسَانية
حَلت
وِبدَاية لِعَلامَات يُوم
القيَامة
كَان زَمان أمجَاد يَاعَرّب
دِلوَقتي خَلاص
يَاعَرب مَع السَلامة
*****
بقلمي
حمدي توفيق
تعليقات
إرسال تعليق