.. جوانا حب .. كلمات الشاعر/ علاء محمود

🌼جوانا حب🌼

مهما تقابل ناس...

يفضل فى قلبك حب....

يبادلك الإخلاص...

ولا ليه شريك ف القلب....

....

بتبعدنا الظروف...

ويقربنا الحنين....

ساكن جوانا خوف...

لتغيرنا السنين...

....

لقانا منتهاش...

م الأصل مفيش فراق...

جوانا حب وعاش...

بيزيد بالإشتياق...

....

أصل اللقاء بالروح....

دايم مبينتهيش...

ولا فيه عتاب وجروح...

وغرام مبيتنسيش....

....

دوارة دنيتنا...

ولا بتريح قلوب...

عارفة محبتنا....

وعاوزانا نتوب....

.....

نتوب عن إيه وليه....

هى المحبة ذنب...

ده اللمسه من إيديه...

هى الدوا والطب...

....

شيلونا من بالّكم....

ده إختارنى وإختارتو...

لو كان هواه زاركم...

لدُبتو وإحتارتو.....

كلماتى علاء محمود