.. سماح ياقلبي .. كلمات الشاعر/ عبدالرحيم علي
سماح يا قلبى
____________
ولا كان فيه بينّا كلام وحديت
ويا ريتنى يا ريت
ولا كنت قابلتك ولا حبيت
وان كنت فاكرنى وبتفكّرنى
أنا اصلى نسيت
ونسيت تقاطيعك وكلامك
حتى الاحلام اللى حلمتها
وما صدقتها
هانساها وهامسح ايامك
عمرى ما عيشتوش
وكلام الحب ما صدقتوش
وازاى اصدقه ،وانت مزوقة
وحاطت لى عليه م السحر رتوش
ابعد لبعيد ما تفكرنيش
وان قلت ان انك يوم ما نسيتنيش
مش عارفه أنك فى القلب هناك
وسايبنى ادور ليل ونهار
واسأل فى نجوم الليل واحتار
واتاريك متدارى عشان تعرف
ايه الاخبار
وإن كنت نسيتك والا باَقِيلك
جوه القلب كمان اعذار
وتقول ازاى من غيرك اعيش
مليّت ايامك وكلامك
ونسيت احلامك وغرامك
ونسيت الوقت اللى ماعيشتوش
يابو قلب مشعلل فيا النار
وفايتنى فى شوق وعذاب ومرار
وان كان فى رجوعك ماتقوليش
ماهو جوه القلب خلاص بتعيش
بس أنا من جوه القلب خلاص
وبقول ولا فيه م الحب خلاص
وان كان ع القلب هاصالحه واعيش
واداديه واقوله ده كان درويش
كان قاعد يشحت شوق وغرام
ومربع فيك وفى حضنك نام
ما باقيش فى العمر الباقى خصام
معلش نسامحه النوبه كمان
وان كان يعملها ما يسألنيش
ويسيبنى فى حالى لوحدى اعيش
شعر
عبد الرحيم على
تعليقات
إرسال تعليق