.. يا باب .. كلمات الشاعر/ علاء محمود
...يا باب...
يا باب دقيت عليك...
ولا حد قالّي مين...
يا باب بالله عليك...
غابوا الحبايب فين....
......
مكنتش يوم أظن...
إن الفراق طالّهم....
ولما ف يوم أحن....
ملاقيش غير صورّهم...
.....
يا باب كانوا السند...
والصبر ع الأيام...
ولو الزمان عَنّد...
فى حضنهم ننام....
.....
وجع الفراق قلبي...
أشكي لمين غيرهم....
صبرني ياربي....
نفسي أقابلهم....
....
هانوا عليك يا باب...
يمشوا ولا تحوشهم...
هو إحنا حمل غياب...
رجعلنا وشوشّهم....
....
طول عمرك يا باب مفتوح....
وبتحكي فرحتنا....
كانوا الدوا والروح....
وجميلة لمّتنا....
....
غابوا ما حسينا...
مفضلش غير ذكرى....
ولا نظرة تروينا....
لا اليوم ولا بكره
....
كلماتى علاء محمود
تعليقات
إرسال تعليق