🥀احلم واتمنى🥀 كلمات الشاعرة/ صفاء الخواجة
🌹احلم واتمنى 🌹
كده بح .. خلاص
ومحدش يسأل ويبجح
أنا كنت .. زمان
ياما جيت على نفسي واتجرح
***
أصلي اتربيت على عيب وحرام
واراعي كبيرنا مع صغارنا
دلوقت مفيش م الناس إخلاص
من جارك كان أو من دارنا
***
متقولش زمان ولاتبكي مكان
ولا فين العشرة ولا اللمة
ولاعم وخال يعرفوا لحنان
ولا خالتي دي أمي ولا العمة
***
كان حب زمان مليان بأمان
والفرحة لغيرنا ..تفرحنا
ولاغيبة بتيجي.. تجرحنا
أو عيبة تخش لمطرحنا
***
كده بح ..خلاص
ااقفل على نفسك واتهنى
وبعيد لبعيد اوعاك تتشجع وتقرب
احلم بالليل ونهارك خليه يتمنى
***
🌹بقلمي/ صفاء الخواجة 🌹
تعليقات
إرسال تعليق