☘️كنتوا فين ☘️كلمات الشاعرة/ صفاء الخواجة

👁️كنتوا فين👁️

اعلني حبي وصونيني 

اوعي مرة تظلميني 

وإن لاموكِ أو هانوكِ

اوعي فجأة تبعديني 

*** 

ده أنتِ جوه القلب شامة 

مالكة نبضه و فيه علامة 

المحبة حنين وشوقها

مستحيل دي تكون سحابة!

***

خايفة ليه بتجاملي مين؟

والحساب دافعاه ندامة 

اعلني .. فرحك وحُبك

تلقي حب وفيه سلامة

***

وأما ييجوا عشان يلوموا

قولي روحوا وأكون ف حالي

كنتوا فين ودموعي نازفة 

جوه . قلبي وفى الليالي ؟

***

👁️بقلمي/ صفاء الخواجة 👁️