🌾مصر عظيمة🌾 سجال الشاعرين/ إبراهيم شيمر و صفاء الخواجة
سجال بقلم الشاعرين
أ. إبراهيم شيمر
أ. صفاء الخواجة
🇪🇬مصر عظيمة🇪🇬
أ. إبراهيم
شوف ياترامب ،، شوف يااوباما
مصر جميله وفـيها عـلامه
وشعب كرامته اعـلى كرامه
يحمي بـلادنا مـن امـثالكـم
مهما تكونوا مش عايزينكم
مش هنجوع ابدا من غيركم
ولا راح نسمع حتى كلامكم
مصر عظيمه غصباً عنكم
أ. صفاء
شوفوا ياشلة مافيها أصالة
اقروا تاريخنا ده كله حضارة
ياما علمكم . وخدتوا علومكم
مـن أجـداد مليانـة جسـارة
لـو فكرتوا فى شـبـر بسينا
أحـفـاد مينا يقوموا قـيامة
مش ح نفرط يوم فى بلدنا
مع هزيمتكم ح تبقوا علامة
أ. ابراهيم
طبعا طبعاً مصر قويه
مش عايزين منهم إعانات
مش بالـذل نبـقى اصحاب
مصر كرامـة وشعب أصيل
لو هنجوع وناكلها فـتات
واللي نصرنا زمـان وعـبرنا
عـنده ڪتير عـبـر وآيات
جــرب تـغـــدر
جيشنا جـاهـز و بيستناك
أ. صفاء
أيوه نجوع ولا يوم نتذل
ولا هـ نخلي تـرامب يمـن
ولا ح نمـد ايدينا ونطلب
حـاجـة وبيـها علينا يحن
أ.ابراهيم
قلنا زمـان ونقولها كمان
مصر عظيمه مصر أمـان
مصر مابتخاف مهما كان
وكل قرار طالع من ناسها
فڪـر فـيه قـائـد انسان
مصر قلب الوطن العربي
وشرفها ربنـا فى القـرآن
تحيا مصر 🇪🇬 تحيا تحيا
قولوا مـعـايا تحيا كمان
أ. صفاء
كل حاجة فيها.. نعشقها بجنون
حـتي نيلـها وأرضـهـا
جـوه العيون
زرعها وزهـور صـفـاهـا
والعمالة الطيبين
كل حـاجـة فـيها حلـوة
زي نـاي صـوتـه حـنون
أ. ابراهيم
عشقت فيكي جـمـالك
وسـمار بـشـرة عـيالك
وزرعــك لــما يـطــرح
والخير يملا غيطـانك
عارفه كمان عشقت مين
عشقت فـيكي السهرانين
فى المـصانـع والـغيطان
وحـراسك هـمـا ولادك
ولا يدخل ارضك جـبان
عـرفتي انا عشقت مـين
أ. صفاء
كله يعلم مين .. بهية
مين دمانا .. فداها هي
ده التراب غالي وعشانه
100 شهيد .ده العشق غية
🇪🇬كلمات أ. إبراهيم شيمر
أ. صفاء الخواجة 🇪🇬
تعليقات
إرسال تعليق