.. لغز اللحمة .. كلمات الشاعر الراقي مهندس/ محمود الحريري
قرأت نصا لشاعرنا المبدع ابراهيم شيمر الجندي بعنوان "دلع الكرشة"
(هي فين الكرشة وأخواتها ؟)
فاللحمة وملحقاتها أصبحت لغز يحير
وهذا نص متواضع أرد به على شاعرنا الجميل
"لغز اللحمة"
----------------
اللحمة بقت لغز يحير
أسعارها يومياتي بتتغير
أسعار فلكية ومجنونة
والناس بتبُص وتتحسر
.........
كان الغلبان ياكل كرشة
أو حبة ممبار مع فشة
دلوقت ياعيني على الغلبان
مش طايل حتة من العفشة
..........
أسعار مجنونة وراكبة صاروخ
وقلوبنا بقت مليانة شروخ
كل مانسمع سعر اللحمة
تتخبط رجلينا وبندوخ
........
عايشين في عذاب جوه الأزمة
ونسينا خلاص طعم اللحمة
ورفعنا شعار ضد الجزار
خلي في قلبك ذرة رحمة
----------------------------------
بقلمي؛ م/ محمود الحريري
رابط نصي أ، ابراهيم شيمر الجندي في أول تعليق
تعليقات
إرسال تعليق