.. الحلم .. كلمات الشاعر/ حليم محمود ابو العيلة
"الحلم"
عايش شبابي حصان جامح
كتاف عفية وقلب جسور
ما باحبش أفكر ف إمبارح
ف السما طاير كما النسور
تربية أبويا ومن عرقه
لو مية وملح وعيش تنور
عارف تعاليم ديني كويس
وباحب الحق وكاره الزور
بصلي الفرض تملي جماعة
أدخل ف الضلمة تتحول نور
سكتي دايما سالكة وواضحة
أمشي فى الصحرا وأعدي بحور
وأمي بتفضل تدعي لي
وماشية ورايا ترش بخور
كنت أنا ليها ف الدنيا الحيلة
دعيالي دايما أعيش مستور
طالبة تشيل بايديها ولادي
عايزة تسمي رحمة ونور
وأنا ف الحلم يجيني ليلاتي
أن انا سكني جوه قبور
ويوماتي أمي تجيب لي عرايس
وعروستي
طلعت عروسة من الحور
كلماتى:
الشاعر: حليم محمود أبوالعيلة
مصر
تعليقات
إرسال تعليق