سجال(إحساس قلم)بقلم/ ابراهيم شيمر.. صفاء الخواجة.. حمدي توفيق.. حسن الشوان.. عبدالرحيم علي.. يسري عثمان
🦜 إحساس القلم🦜
سجال بقلم
الشاعر/ ابراهيم شيمر
الشاعرة/ صفاء الخواجة
الشاعر/ حمدي توفيق
الشاعر/ عبدالرحيم علي
الشاعر/ يسري عثمان
الشاعر/ حسن الشوان
أ. إبراهيم
سيب القلم يڪتب
اللي ييجي فى باله
هــو انت تعلـم بيه
هــو داري بـحــالـه
اصـلـه لـــو مهموم
راح يشرح احـوالـه
ولــو سعيد فرحـان
كان بـان على حالـه
وعجبى
أ. صفاء
خلي القلم .. بهواه
يكتب لمن .. يغواه
سعيد ح نفرح بحرفه
كئيب نكون وياه
خفف عليه وكلمه
دايما بلاش ل أذاه
أ. حمدي توفيق
سيب القلم يكتب
هو بقا .. براحته
وإديله بس الوحي
ياخد بقا مساحته
وخليك رقيب للحرف
من فوقه ومن تحته
وإنصف وكن عادل
وخليه على راحته
أ. عبد الرحيم علي
سيب القلم فى الألم
يكتب انين الآه
ويدون اللي اختفى
ويقول على بلواه
أ. حسن الشوان
سيب القلم يكتب إحساسه
خليه براحته ينطق اللي جواه
الحروف ح تنطلق من راسه
ح تفرغ اللي من سنين شحناه
المعانى ح تملا سطور كراسه
وكل الأوجاع ليها قصه ومعاناه
أ. يسري عثمان
سيب القلم يكتب
شكوته لله
حبر القلم يغلب
دمع العيون وقساه
تكفى عليه وحدته
م القاسي اللي رماه
عز الأسى والضنا
الحمل شايله معاه
أ. إبراهيم
وفـر حروفك يا قـلـم
للي فـاهــم هـمسك
اشرح معـاني الكلام
وارسم بالجمال رسمك
خليك ڪبير يا قـلــم
وقـول للجميع درسك
أ. صفاء
اوعاك .. تبوح ياقلم
غير.. للحسيس زيك
يفهم.. لهمسك قوي
ويزيد.. جمال ضيك
أ. حمدي توفيق
نكتب ياصاحبي ومالوا
مادي لينا ...... رسالة
نقول للظلم .... لاء
وللحاقد ... استحاله
أ. عبدالرحيم علي
سيب القلم ينفجر
ويقول ولا يخليش
يفضح ضمير البشر
وإن قال مابيخبيش
الدنيا بالمفتشر
ما بقتش زى زمان
قول يا قلم هزنى
خلى الحقيقة تبان
امسح دموع الالم
واقتل زمان الخوف
كل اللى كان انكتم
خلى اللي اعمى يشوف
أ. إبراهيم
شايل هـمـوم الأدب
طبعك مايـوم تنساه
ولـما تڪتب كلامـك
يبــقى يامـحـلاه
واحـنا نـذاكره وراك
و نـقـول علـيه الـلــه
اڪتب وزيـدنا كمان
حـرفـك ينـسي الآه
أ.صفاء
دايما كبير ..يا قلم
ضد الشجون والألم
نفسك.. لكل الناس
تلقى السرور كالعلم
يبهج نفوس وقلوب
من غير دموع ولا ندم
أ. حمدي توفيق
كتبت ياما ...... كتير
لكن مفيش ...... تغيير
بالصبر هنول.. مرادنا
لكن لابد م التحضير
وسيبك من اللي يهزك
مش ناقصة للأمال تكسير
أ. إبراهيم
اڪتب ڪمان وقـول
واحڪي كلام معقول
خلي الڪـلام يا قـلـم
يتـغـنى ع الارغـــول
اكتب وقول عن ناس
ضميرها صافي حليب
تضحك تـمـلي وتنسى
مهما الكل فيها يعيب
اڪـتب عــن المفـتري
الـلي مـا عندوش دم
خـلـيه يخـــاف ربـنـا
و يتـوب ڪـفـايـه هــم
أ. صفاء
أكتب لكل الناس
وعي صغير وكبير
ع الصعب عدي ودوس
ربك وعنده الخير
وفرجه دايما.. جاي
سرور لكل فقير
********
بقلم/ صفاء الخواجة
بقلم/ ابراهيم شيمر
بقلم/ حمدي توفيق
بقلم/ عبد الرحيم علي
بقلم/ حسن الشوان
بقلم / يسري عثمان
تعليقات
إرسال تعليق