سجال .. إحساس قلم..بقلم الشاعر/إبراهيم شيمر والشاعرة/ صفاء الخواجة
🦜 إحساس القلم🦜
سجال بقلم
الشاعر/ ابراهيم شيمر
الشاعرة/ صفاء الخواجة
أ. إبراهيم
سيب القلم يڪتب
اللي ييجي فى باله
هــو انت تعلـم بيه
هــو داري بـحــالـه
اصـلـه لـــو مهموم
راح يشرح احـوالـه
ولــو سعيد فرحـان
كان بـان على حالـه
وعجبى
أ. صفاء
خلي القلم .. بهواه
يكتب لمن .. يغواه
سعيد ح نفرح بحرفه
كئيب نكون وياه
خفف عليه وكلمه
دايما بلاش ل أذاه
أ. إبراهيم
وفـر حروفك يا قـلـم
للي فـاهــم هـمسك
اشرح معـاني الكلام
وارسم بالجمال رسمك
خليك ڪبير يا قـلــم
وقـول للجميع درسك
أ. صفاء
اوعاك .. تبوح ياقلم
غير.. للحسيس زيك
يفهم.. لهمسك قوي
ويزيد.. جمال ضيك
أ. إبراهيم
شايل هـمـوم الأدب
طبعك مايـوم تنساه
ولـما تڪتب كلامـك
يبــقى يامـحـلاه
واحـنا نـذاكره وراك
و نـقـول علـيه الـلــه
اڪتب وزيـدنا كمان
حـرفـك ينـسي الآه
أ.صفاء
دايما كبير ..يا قلم
ضد الشجون والألم
نفسك.. لكل الناس
تلقى السرور كالعلم
يبهج نفوس وقلوب
من غير دموع ولا ندم
أ. إبراهيم
اڪتب ڪمان وقـول
واحڪي كلام معقول
خلي الڪـلام يا قـلـم
يتـغـنى ع الارغـــول
اكتب وقول عن ناس
ضميرها صافي حليب
تضحك تـمـلي وتنسى
مهما الكل فيها يعيب
اڪـتب عــن المفـتري
الـلي مـا عندوش دم
خـلـيه يخـــاف ربـنـا
و يتـوب ڪـفـايـه هــم
أ. صفاء
أكتب لكل الناس
وعي صغير وكبير
ع الصعب عدي ودوس
ربك وعنده الخير
وفرجه دايما.. جاي
سرور لكل فقير
********
بقلم/ صفاء الخواجة
بقلم/ ابراهيم شيمر
تعليقات
إرسال تعليق