.. عروسة الانفوشي.. كلمات الشاعر/ يسري عثمان

عروسة الانفوشي

******

السمنه بتشر روايح

 ملو الكفين زبده وسايح

ياعود ريحان ست الحلوين

ياوردتين علي عنقود ياسمين

شوفت الجمال انا قولت آمين

الجو عطر ورود مع فل

جوريه زاينه ومالهاش حل

جمريه وسط حمام زاجل

فلوكه عايمه مابين شطين

وحاضنه كل خيوط الشمس 

يا نجمه دلوقتي وبالامس

قولوا الغراب يبعد ويحس

مياسه. سط كوام سردين

يادلال وشبك ومراكبيه

دانا قلبي ناقصه الحنيه

حيرني فيكي موج البحر

وصيته خان وغدربيه

ياحلوة الحلوين بشويش 

لماتخطي علي الكورنيش 

عودريحان علي جبنه قريش

الهوي مواويل شوقي بجلاجيل،

قلبي ف غرامك بقي درويش

إنبي ياجميل خطي بشويش