.. ياغربة فين حبايبي .. كلمات الشاعر/ مصطفى العطية
ياغربة فين حبايبي ..؟
وخداهم لية وساكتة..؟
وخداهم مني وناسية
وحرمة قلبي وقاسية ؟
العين مشتاقة ليهم
والشوق بيسأل عليهم
والقلب عاوز لقاهم
نسيوني ف البعد لية..؟
غابوا وبعدوا لية
عايشين دايما بقلبي
بين دمي وعقلي
ولا شايف حد غيرهم
مهما بعدوا و قربوا
و بيدعي القلب ليهم
ف ليلي اناديهم
وبنهاري اسأل عليهم
و خاطري واخد عليهم
القمر بيسال عليهم
باتمنى احلم واشوفهم
أشتقت ياغربة ليهم
مشتاق ياناس ليهم
لا تلوموا ضعف قلبي
ولا تعاتبوا شوقي و حبي
ف نهاري جوه قلبي
وف ليلي ساكنين عيوني
بين لحمي و دمي
خايف القسوة تاخدهم
ناديت بالدمع عليهم
ولا سمعوا نبض صوتي
ولا مسحوا دمعة عيني
ولا ردوا يوم عليا
قساهم البعد عليا..؟
والغربة عشقت هواهم
يا غربة قربينا
وكفاية قسوة علينا
كفاية بعاد وغربة
العمر بيجري بينا
حرام تحرمينا
وتجف دموع عينينا
والقلب يدادي فيهم
يرضوا ف يوم علينا
انا راضي ياغربة عنهم
مهما طال بعادهم
يا غربة فين حبايبي ..؟
وخداهم لية وناسية..؟
حرماني لية وقاسية..؟
مش شايفة يعني دمعي ..؟
و حاسة بيا و ناسية
ياما سنين غربتيني
بين ناري وحنيني
وأخدتي عمري مني
ولا خدت منك غير ضعفي
وسرقتي فرحة عمري
بين شقايا وبعدي
و شوية شعر أبيض
وسكن قلبي الأنين
وعاتبني ف شوقي الحنين
يادنيا قربينا وكفاية غربة علينا
كلمات الشاعر : مصطفى محمد عطية
مصر
طنطا
من ديوان غربة
تعليقات
إرسال تعليق