. إيديا متقيدة .. كلمات الشاعر الراقي مهندس/ محمود الحريري
"إيديا متقيدة"
--------------------
إيديا متقيدة
عاجز عن الطيران
حاسس بطعم الألم
وباعاني م الحرمان
حسيت ياطير بعذابك
وأنتَ ورا القضبان
إفرد بسرعة جناحك
وطير لأَبْعَد مكان
إنفد بجلدك وسافر
وابعد عن السجان
أنا سجين اتظلم
محبوس ورا قضبان
ومهما طال الزمن
ماتهدني الجدران
هامسح دموع عينيا
وادوس على الأحزان
واصرخ بعزم مافِيَّا
وأقول.. أنا إنسان
من حقي اعيش ف الدنيا
ويكون لي فيها مكان
----------------------------
بقلمي؛
م/ محمود الحريري
تعليقات
إرسال تعليق