.. عود نفسك . . كلمات الشاعر/ علاء محمود

🌼عَوّد نفسك🌼 

عَوّد نفسك عيش ف النور...

سيب ف حياتك أحلى سطور....

متخليش ولا واحد يخجل....

خلي كلامك كله عطور....

دنيا وفانية مهما تطول...

بكرة سنينها تبقى شهور....

تعرف حجمك  تبقى سعيد...

أوعى ف لحظة تعيش الدور...

قبلك يا ما عاشوا كتير...

المتهور واللي صبور....

واللي عمايله تودي جهنم...

واللي عمايله جنة وحور....

راحوا وفضلت بس سيرتهم...

تيجب

بخير أو حتى شرور....

ازرع خير أعمل معروف...

إياك  تترك أرضك بور...

إصلاح حالك لو معوج...

ضم إخواتك هد السور.... 

عالم ربك بالأحوال....

لو يوم نذنب هو غفور...

كلماتى علاء محمود