.. عشقت القمر .. كلمات الشاعر الراقي مهندس/ محمود الحريري
"عشقت القمر"
----------------------
أنا قلت باعشق قمر
واتمنى اعيش قُربُه
قالوا القمر في السما
وازاى.. تقَرَّب لُه
أنا قلت مهما بِعِّد
أنا برضه هاوصل لُه
واعمل كمان المستحيل
علشان اكون جَنبُه
هابعت نجوم السما
تروح له وتقول له
وابعت معاها سلام
وهانتظر رده
ومهما طال الزمن
هاسكن صميم قلبُه
ونعيش حياتنا سوا
ويحبني واحِبُّه
واسقيه محبة وهَنا
وأعيش سعيد جنبُه
_____________
بقلمي؛؛
م/محمود الحريري
تعليقات
إرسال تعليق