.. عجائب الدنيا .. كلمات الشاعر/ عابد الفقي
عجائب الدنيا
عجايب الدنيا ياما
وانت حالتك عجيبه
أفعالك عمرها ما تنفع
انا اللي شافها مصيبه
شايفك عمال بتبلع
بلاوي وحاجات غريبه
واكل حق اليتيم
ومش خايف م الحساب
اليوم اللي هتولع فيه
ياخايب من كتر العذاب
وحق اخوك في الميراث
أكلته وجيبت الخراب
لنفسك ولولادك
عشقت العيشه الهباب
مش خايف من وقوفك
للعرض والحساب
لا مكسوف من عمايلك
والهم اللي نايبك وطايلك
وايه وايه والا ايه
كسبت ايه في حياتك
خراب وعار يابيه
جايلك راكب صاروخ
وفكر وغم ياعم
يطير النافوخ
......
خد لك جنب وفكر
اوام رجع الحقوق
وابلع ياعم ريقك
صحصح كمان وفوق
ارفع ايديك لربك
يسمع وعليك يتوب
وقول يارب أنا عبدك
عمري ما ا
رجع للذنوب
كلمات
عابد الفقي
تعليقات
إرسال تعليق