.. عاشقين الصبر.. بقلم الشاعرة/ صفاء الخواجة

🥀عاشقين الصبر🥀

كات جاية حورية بتتمخطر

وعجبها الحلو اللي شغلها

من يومها وحيرانة فى حاله

مش عارفة إزاي جه وغلبها

***

ضحكتها الحلوة .. العفوية

شدته لبحورها بضفايرها

وف قلبه أهي سكنت وارتاحت 

وعذابها أهو مات ويا حيرتها 

***

وغَلبهم .. موج جبار عاتي

تاهوا منه وغير عناوينهم

ومحال الأيام.. تساندهم

أو يرسوا !! زمانهم معاندهم

***

وده حالهم مع دنيا فاتتهم

والحزن أهو جاي يونسهم

وكتير عايشين زي احوالهم 

عاشقين الصبر وعارفنهم

***

🥀بقلمي/ صفاء الخواجة 🥀