.. على شط البحر .. كلمات الشاعر الراقي مهندس/ محمود الحريري
"على شط البحر"
---------------------------
على شط البحر لقيت نفسي
قاعد بافتكر اللي جرالي
وافتكر إزاي خطفت قلبي
قلبت لي كياني وأحوالي
أنا فاكر ضحكتها الحلوة
ولايمكن هتغيب عن بالي
...............
ع الشط كتير استنيتها
أتمنى ف يوم ألمح طيفها
وباصبر قلبي على غيابها
وأقول له خلاص بكره تشوفها
ماهي دخلت قلبي بضحكتها
واترسمت جواه أوصافها
...............
دورت عليها في كل مكان
وسألت كمان أمواج البحر
أنا قلبي صبح من غير عنوان
كان نفسه ف يوم يرسي على البر
ويلاقي حبيبته هناك في أمان
يتهنى معاها لآخر العمر
................
على شط البحر لقيت نفسي
قاعد بافتكر اللي جرالي
وافتكر إزاي خطفت قلبي
قلبت لي كياني وأحوالي
---------------------------------
بقلمي؛ م/ محمود الحريري
تعليقات
إرسال تعليق