..🔥 فى المولد (الحاوي) 🔥.. كلمات الشاعر أ. حسن السحماوي

فى المولد ...! ( الحاوي )

..............

شهقت نفس .

من صغر سني ..

فطموني ع الوجع

وماقولش اااه ..!

يشتد جوايا الكلام ..

ويسكتوني بلعبة الاراجوز ..

زمان .. من غير كلام ..!

حسسوني بالامان..

اللي اتصنع .. علشان اانام

وماشوفش عفريت النهاردة

من عفريت .. زمان ..

على ناصية الحارة ..

شجيع بيبخ نار

وفهلوي فى لم الفلوس ..

وشمس تتخفى فى نهار

من

غير .. قرار ..

شبابيك قزاز متهشمه

بتلم فينا الإنكسار .

فبلاش هزار ..!

إن كان صحيح ...

حبك .. وطن ..!!

.................... شعر .

حسن السحماوى