..🌹 لا ترد 🌹.. كلمات الشاعر/ حمدي توفيق
.. لا --- تُرَد ..
...................
كنت أحسد أبويا
على صبره وعلى
طولت ... باله
وعلى تعبة وهمة
اللي بيمشي من
بصة وشة لعياله
وعلى إنه لما يكون
تعبان ... مكسور
ويشوفني .. يضحك
وكأن ولا حاجة
في ... باله
وكان مهما يكون
تعبان أو حتى
م العيشة زهقان
يلاعبني أضحكله
أو حتى أعيط يحضني
وفى لحظة ينسى
ياروحي ... حاله
أنا أبويا كان فعلاً ... سَد
ومش ممكن راح
يملا مكانة ف يوم .. حَد
كان هوه الجري
وهوه .... اللعب
وهوه ... الجَد
كان أيد بطبطب وحنان
بيدَفي ... ويوَفي
يضحك ويهزر ووقت
الجد ... سندك ...ضهرك
قوول ... متقولش
كان حائط ... سَد
أنا أبويا شالني من
صغري وليوم ماكبرت
وأنا شايل أسامة
وليا ... الفخر
لو كانلك أب وراح
منك .... أدعيله بجد
وإن كان موجود
روح بوس ... رجليه
وإكسبلك دعوة تكونلك
طوق .. يسمعها ربك
كدا من فوق
إصحى ياغفلان
وصحصح ... فوووق
دعوة والديك
لو جت م القلب
أبداً لا تُرَد
معرفش أنت معايا
موافق
أو رأيك ... ضد ..لكن
أنا فعلاً أبويا
كان سندي وكان
ضهري
وكان حائط سَد ..!
.....
بقلمي
م. حمدي توفيق
تعليقات
إرسال تعليق