.. على فين .. كلمات الشاعر/ علاء محمود

🌼على فين🌼 ؟؟

لو ع الكلام قولناه...

والرد غيبوبة....

واللي يطاوع هواه...

خطواته محسوبة....

....

غلاوة فوق الحد....

والوصل أمنية...

بيني وبينك سد...

وحيلتي أغنية....

....

إرضي بقى وحنّي....

خلي الوجع يرحل...

 بتغيبي ليه عني؟ ...

انا ليل نهار بَسّأل...

....

دورت فيكي عليا...

أنا تهت ما لقيتني...

لو غاوية حنية....

القسوة نسّتني...

.....

يا كبيرة يا حرة....

على فين خطاويكي.... 

لو مت ميت مرة....

بيهون مادام فيكي....

.....

ليه كل ما نقرّب.... 

الخطوة بَعّدانا....

سايبة اللي

بيخرب.....

ومركزة معانا.... 

كلماتى علاء محمود