..🍁 عتاب 🍁.. كلمات الشاعر أ. حسن السحماوي

( عتاب ) بدون عنوان

( حب يتيم )

......................

رغم اني بَحبك وباريدك

من وقت ما كان .. كان لي معاك

أيام وسنين ..وحكاوي زمان

تحكيها حاجات .. وحاجات تانية

مش راح ااقولها

فى خصوص ذاتي ...

طول ما انا عايش

ولحد مماتي .. راح اصونها ..

علشان انا طبعي بفضولي

وكتير فى أمور صبحت ذكرى

حاتعيش نسيان ..

رغم اني بَحبك وبَريدك

وياريت دا ما كان

العهد اللي مابينا ماكنش غياب ..

كان حق حقيقي ماهوش كداب

حتى ولو كان طول المسافات .. بعدت عنا..

لظروف ملقتش فى تقديرك غير لوم وعتاب

وكتير نتخاصم .. ونتصالح ما يفوتش ساعات ..

وصحيح مانكرش فى اخطائنا .. بعض الهفوات

كان فيه لحظات ... مش مقصودة ..

وتوابع تانية بتفصلنا ومشاعرمنك مفقودة

وطبيب الشوق المتعافي بقلبي الطيب

كان بيسامح ويداوي جراح ..

فى براءة قلب وروح سارحة والدنيا براح ..

ماعرفش ان الحب اخدنا فى طريق مسدود

كان فيه من هزات تبعدنا ولبعد حدود

وزلازل تابعة بنار هجرك وبشكل ( لئيم )..

انا مش متعود اكون زيك ... من اوصافك

وياريت م الأول كان قلبي عدى وفاتك

كان افضل شيء.. ولا اني اتشعلق فى حبالك ولحد اليوم

لكن حبيتك ..ااقدرتك .. وبقلب سليم

دلوقت خلاص راح ااقولهالك ... بكفاية تكميم

يا خسارة عمري

المستقطع من حب يتيم ..!

...........................................فارس الكلمة والمعنى