.. جودي عليه .. كلمات الشاعر/ عابد الفقي
جودي عليه
جودي عليه يا دنيا جودي
تعالي عليه إكسري عودي
مناأصلي لسه يادوب باخطي
ولسه بحبي ماشي ف دربي
مع اني باديء وعمال اعبي
حملك شويه أنا ايه ذنبي
اني امنتك واعطيتك الامان
براحتك عليا ورجعيلي زمان
....................
ايام ماكنا بيت واحد وعيله
تجمعنا شهامه طيبه رجوله
وقلوب تقيه وناسها عفيه
مجمعين صغير. وكبير
الاب قاعد حواليه. ولاده
الام جايبه حلتين الملوخيه
العيش مرحرح ويكفي ميه
الكل ياكل يشبع ويفرح
البركه زايده واللمبه قايده
السهرة تحلى مع شاي وراكيه
دفايه يدوي بخشب و مسكه
القاعه دافيه شرحه و برحه
اصل امي واختي
بحجاب وطرحه
............
اسرح معايا شويه زمان
نقعد نفكر براحه و امان
عيشة جدودنا ايام زمان
احسن تعامل مع الجيران
بيوتنا واحده مفتوحه البيبان
في اي مناسبه الكل شارك
جاي يهني وفرحان ببارك
الاصل عيله وليها كبير
عاقل رزين صاحب ضمير
الكلمه سيف ع الصغير والكبير
الشوره شورته والكل عارفه
مع أنه امي علامه مش كتير
ماهو عنده عقل وحسن تدبير
ودي صوره واحده من عدة حا
جات
ترابط وحب ومجامله بين العائلات
عادات جميله اصيله نسيناها
يارب رجع ايامها نعيش معاها
عابد الفقي
تعليقات
إرسال تعليق